Tuesday 1 April 2014

Ubah pemansang menua ngemeratka program dalam pengawa ...

Ubah pemansang menua ngemeratka program dalam pengawa <b>...</b>

Ubah pemansang menua ngemeratka program dalam pengawa <b>...</b>

Posted: 23 Mar 2014 03:05 PM PDT

KKK nengah UK ngaga program dikena ngemansang pengawa dagang ngagai nembiak Kolej Komuniti sereta ngagai komuniti setempat

KUCHING: Program pengawa dagang bisi tanggung pengawa ke besai nyadi pemerat dalam ubah pemansang menua, lalu beratika pemerat nya, Atur Pemansang Pengawa Dagang Institusyen Pelajar Tinggi (IPT) diubah baru.

Atur nya ngembuan tuju meransang sereta negapka pemansang pengawa dagang ditusun silik agi ba entara IPT menua tu, dalam pengawa sida iya matih  mudal mensia ke bekualiti sereta ngembuan runding sereta pemerat ngelatih mayuh agi orang dagang awakka nytungkak  transformesyen ekonomi menua bepemisi sereta bepanggai ba inovasyen nyapai pemaju nyerumba 2020.

Berindik ari nya, Kolej Komuniti Kuching (KKK) nengah Unit Pengawa Dagang (UK) ngambi singkang nyukung atur nya enggau chara ngaga program pemansang pengawa dagang ngagai nembiak Kolej Komuniti (KK) sereta komuniti ditu empu.

Direktor KKK, Saidi Japari madah sekeda program belandikka pengawa dagang udah mujur digaga ulih UK, baka 'Program Pembudayaan Keusahawanan' ke kala digaga di Medan Niaga Satok, pekit KG3 ti diatur ulih Universii Putra Malaysia (UPM) enggau Berjaya, mujur masuk ngagai renggat kedua penudi, Program 'Keusahawanan Sosial' ke bekerejasama enggau Opis Pengelantang Pendiau (JKM), ke mujur masuk renggat kedua penudi di renggat KK 1Malaysia lalu iya nyadi program ke manah laban nembiak sereta staf KKK diberi penemu lebuh sida iya belajar di Sri Anisa Tailor enggi  Orang Timpang Pendiau (OKU).

"Entara tuju nya laban deka ngangkatka pengerindu penyereta, ke tebal ari sida tu nembiak ke belajar di KKK dilatih nyadi orang dagang ngambika mujur, kelimpah ari ngulihka penemu senentang model ke baru ke ulih dikena dalam pengawa dagang sida iya.

"Kelimpah ari nya, nembiak mega diajar ngembuan pengelandik nengkebang ngaga pengawa dagang sida iya ngambika ulih nyingkang jauh ," ku Said.

Iya bejaku munyi tu ba atur pengawa nutup Program 'Fiesta Keusahawan Kolej Komuniti Kuching 2014' ke digaga dua hari, di kolej nya kemari.

Sama bisi nguluka atur pengawa nya, Kaban Kunsil Nengeri (ADUN) Demak Laut, Dr Hadzland Hipni ti ngarika Menteri Muda di Opis Kepala Menteri (Pemansang Pengawa Dagang Bumiputera) ti mega nyadi Menteri Muda Pengintu Pemisi, Datuk Naroden Majais.

Entara aktiviti ti bisi digaga kemari, iya nya Pekit Autoshow (kerita enggau mutosikal), 30 buah kedai bejual barang sereta pemakai ke dibuka ngagai nembiak sereta mensia mayuh, pekit 'Explorace' ti bisi mai sereta nembiak Kolej Komuniti Zon Sarawak, pekit main chatur bestari,pekit kedai ke pengabis manah tauka kreatif sereta dagang ke pengabis manah, semina pengawa dagang enggau mayuh macham aktiviti bukai.

Kelimpah ari Program Fiesta Pengawa Dagang ke bisi digaga dalam kandang dua hari nya, mujur nyapai urung 428 iku penyereta ari nengeri tu empu ke bisi ampit ngambi kus pandak baka Kus Bejait set apron, kus bejait baju Peplum, Kus Pemun Sketchup, Kus Pemun Autocad 2D, Kus Pemun Microsoft Word, enggau sekeda kus pandak bukai.

Seiku nembiak ari Limbang ke nyau deka tembu kus Lanskap di Kolej Komuniti Mas Gading (kus dua taun), Mohd Shyamsullah Budiman, 19 taun bisi pengerindu ba pengawa betanam bungai sereta ngaga lanskap rumah.

"Aku sigi bisi pengerindu ngaga lanskap sereta ngiga penemu chara nanam bungai. Nyangka enti bisi lebih belanja lebih, aku deka muka chemai bungai ke besai di Limbang, laban di Limbang, enda mayuh orang bisi muka chemai….Enti bisi pan, enda besai.

"Ukai semina muka chemai aja, aku mega deka ngemansangka penemu aku nya ngaga lanskap ba rumah orang, laban orang mayuh pan enti bisi rumah sida iya empu, rindu meda rumah sida iya bisi lanskap ke manah," ku Mohd Shyamsullah.

Print Friendly
Posted by at

No comments:

Post a Comment

Subscribe to: Post Comments (Atom)